已有一子的模特兒公司老闆娘李月（Bobo）早前再次懷孕，前日在社交網站Instagram宣布已在上周六順產誕下女嬰，並上載BB女的可愛照片，成功湊夠一個「好」字，可喜可賀！昨日記者致電給Bobo，她透露與女兒已經出院，現在家中休息，BB女重7磅多，不過，Bobo聲音氣若游絲，她說：「我依家唔係咁舒服，因為宮縮，個肚好痛，要休息吓先。」說罷便匆匆收線。
至於Bobo好友兼模特兒倪晨曦（Elva）接受電話訪問時表示，BB出世當天已約齊好姊妹到醫院探望，大讚BB可愛：「BB女似嗲哋，都好似Bobo大仔出世時候嘅樣，臉圓圓好得意，鼻好高，眼又大。我哋未送嘢畀佢，當佢通知我哋入咗醫院，我即時衝過去，去到BB就啱啱好出世，見到BB好開心。（會唔會做BB契媽？）會，佢上一個BB，我都係契媽，今次第二個，我都一定係契媽。」