陳曼娜護航：有咗，就去驗DNA啦！
陳曼娜女兒Joie與老公Dicky結婚一星期便被揭三角戀，Dicky身邊突然走出內地女大學生金若希，金小姐更自爆已有五十天沒有來經，懷疑有孕。
Dicky外母陳曼娜對於金小姐疑有孕，力撐女婿的她霸氣地說：「如果佢真係有咗，就去驗DNA啦！」對於金小姐表示見到Joie與Dicky婚宴的報道，始得悉兩人已結婚，陳曼娜即舉證去年Dicky在她的生日會上跟女兒求婚，當時有好多朋友，件事都有報道，無人不知！她說：「Dicky想趁我嘅生日會做啲特別嘅事，就同四哥（謝賢）講明要向Joie求婚，四哥話撐佢，仲去買咗過百朵花畀Dicky求婚用，喺四哥壯膽下，Dicky下跪並送上鑽戒成功求婚。」
陳曼娜又指手上有大量證據，包括金小姐與Dicky的WhatsApp記錄：「個女仔提出好多要求，話如果滿足唔到，就會做啲傷害佢哋名譽嘅事，資料整理緊，我聽日（今日）會開記者會或者發稿，公開證據，因為之前唔知個女仔仲有咩後着，所以想睇定啲先，要綜合咗證據再出嚟交代。」