Race做公主多謝老公成全
前組合2R的細妹成員黃婉佩（Race），上周下嫁新加坡富商David Loh，在五星級酒店行禮擺喜酒，昨日她越洋受訪，暢談與老公的戀愛史。二人在朋友介紹幾個月後撻着，拍拖3年，兩年前老公在美國求婚，本來去年結婚，但因Race忙於地產App生意而押後一年，她說：「我同老公都多謝大家嘅祝福，星期五結婚後，星期六再同一班飛嚟嘅朋友有個小聚會。」
Race坦言每個女孩都夢想做公主：「老公好好，佢話我鍾意點就點，我咪搞個夢幻婚禮囉！好滿足！（有冇喊？）我好淡定，冇喊過。」更感謝家姐黃婉君（Rosanne）一家四口專程飛回來出席婚宴。此外，雖然她未有回應有喜傳聞，但知情者說：「件宮廷婚紗設計係咁（凸肚），相信唔係有咗，婚紗8個月前已經整好。」