陳柏宇寫四頁紙信冧安仔合唱

歌手陳柏宇（Jason）在九展舉行一連三場演唱會，前晚來到尾場，獲女友符曉薇、林奕匡與女友等捧場。唱完《I will be loving you》後，Jason表示邀請了偶像做嘉賓，其後許志安出場，Jason即作狀半跪，再合唱《一步一生》。他重提18、19歲時參加歌唱比賽，但並非選唱安仔的歌，安仔即笑說：「咁請我上嚟做咩？」Jason解釋：「表格有欄寫最想做嘅嘢，我寫同許志安合唱。」又自爆之前與女友去看安仔演唱會，結果邊睇邊喊：「女朋友問我喊乜，我話就嚟完騷，唔捨得。」引來全場大笑！

拒為錢過檔

唱到《沒有你，我甚麼都不是》時，Jason多謝大家支持，揚言出道至今最大成就是開了這個演唱會，然後喊到一度唱不下去，歌迷隨即拍手支持，場面感人。Encore時，Jason自言不是巨星，喜歡做普通星，更自爆有人叫他過檔：「有人Approach我轉公司，佢哋覺得我公司做得唔夠好，但我唔覺，好多人好盡力幫我。好開心可以同公司同事做嘢，關係重要過物質！」

陳柏宇	慶功宴上，陳柏宇獲女友錫錫呵番。	台下逼到傻笑的陳柏宇，經過女友（箭嘴）前面亦冇機會接觸。

冇電話號碼

慶功宴上，Jason獲女友符曉薇獻吻，大晒恩愛。提到安仔，他自爆寫親筆信邀請對方：「因為我中文差，所以封信愈寫愈潦，寫咗四頁紙，好難寫，而且係要求對方做嘉賓。（唔打電話？）我冇佢號碼，係託個舊同事幫手。」提到被撬過檔，他坦言曾有兩、三間唱片公司接觸，但他已落閘：「我花咗好多時間同佢哋由同事變朋友，唔想冇咗呢段友誼。呢份工係生活一部分，我想生活可以開心滿足，而我滿足嘅方法就係同鍾意嘅人一齊做嘢，唔係唔完全計較錢，但係足夠嘅。」

文：音樂組　

攝：張福宏