余安安放「催淚彈」講明恨抱孫
藝人余安安的長女李文琪前日出嫁，在大潭美國會舉行簽字儀式和婚宴，榮升岳母的余安安表示十分開心，大家玩至凌晨二時多。提到在台上的致詞甚催淚，她坦言：「全場女人都喊，我只係講咗十分鐘，分享同個女嘅點滴。我自己致詞都忍得住冇喊，但到個女上台致詞話多謝我照顧佢，畀佢自由，我感動到喊。」她又不忘大讚女婿靚仔兼人品好，且感情豐富，綵排時已經落淚。
安安稱女兒成家後，大感安樂，問到會否恨抱孫？她說：「希望3年內，佢哋都要享受吓二人世界先，佢哋會去歐洲度蜜月。」她希望兩人白頭到老，互相扶持，她感嘆：「做夫妻唔簡單，我會好似佢細個時咁照顧佢，要我畀意見時，我會提醒佢。」與前夫李萬祺離婚後，安安一直身兼父職照顧家庭，對於前夫也有現身婚宴，安安雖不願多談，但仍大方說：「冇乜嘢，佢係個女老竇，嫲嫲又好錫個孫，所以請埋佢嚟。」