龔嘉欣慘遇花心鬼鄧健泓最大嫌疑

女藝人龔嘉欣（Katy）近日在劇集中的「大婆連環爆喊戲」感動萬千網民，她預告本周的劇情將更崩潰！昨日她承認現實中曾有被背叛經歷，Hurt到爆令她拍得更投入！而入行以來Katy只承認過跟鄧健泓拍拖，令對方成為頭號嫌疑人物！

黃翠如、蕭正楠（Edwin）、張繼聰、陸永、龔嘉欣及鄧佩儀等昨日到拳館宣傳無綫劇集《幕後玩家》，眾星分組比賽打拳，但亂咁打笑料百出，期間陸永笑言冇護陰，阿聰即指歡迎大家出撩陰腿幫陸永進行「封筆儀式」，嚇得他頻頻嗌唔好，最後仍被莊思敏狂打下腹，又被糖妹、Katy及翟威廉狂揪，場面搞笑！

終極慘戲喊到喘氣

Katy在劇中慘到爆，因老公黃宗澤（Bosco）有外遇劉佩玥而有多場喊戲，獲網友讚演技大躍進，她預告仍未夠慘，將繼續有爆喊戲份：「有場終極崩潰戲，講Bosco要同我爭個女，我嗰場戲喊到喘晒氣，要失控尖叫，拍完我喉嚨痛，成個人軟晒！好慘！嗰段時間我日日返工都喊，返到屋企都眼紅紅。（唔敢再接咁多喊戲？）少少驚咗啦！好耐冇試過咁投入，喊到好似真係經歷咗咁。」

問到現實中是否遇過第三者？Katy直言發生過，再追問下去，她即顯得尷尬：「唔好講番轉頭啦！（入咗行未？）入咗喇！（第三者都係呢行？）過咗就唔好影響到人喇！哎吔！總之現實經歷對演戲係有幫助，今次係特別投入。」翻查資料，她入行後只承認過跟鄧健泓拍拖，當年鄧健泓被指偷會2007年港姐冠軍張嘉兒，故令鄧健泓成為頭號嫌疑人物。