曾昭亮再追B

名媛曾昭亮前晚以大使身份偕夫出席「母親的抉擇」慈善活動，現育有9個月大兒子的她已計劃再生：「都差唔多，BB好好，好多時陪老公公幹周圍飛都會帶埋佢，所以BB都去過好多地方，好似馬爾代夫。（咁細已經去過3、4個地方？）係，佢幾乖，我出門唔鍾意帶工人，鍾意自己湊，不過嗰次去馬爾代夫佢已經識爬，好辛苦，所以嚟緊聖誕去布吉要帶工人。」
曾昭亮偕丈夫出席活動，並透露聖誕會遊布吉。
曾昭亮偕丈夫出席活動，並透露聖誕會遊布吉。

同場的社交名人張翡玶，提到明年6月舉行婚禮：「喺意大利一個小島連續3日舉行，每日都有不同主題。」她表示婚紗落實選用國際品牌Giambattista Valli高訂婚紗：「係品牌特別為我設計。（價值過百萬？）係呀，之前飛巴黎多次試身，嚟緊再飛三次。」

張翡玶為給親友驚喜，賣關子未有透露結婚派對主題。
  • 張翡玶為給親友驚喜，賣關子未有透露結婚派對主題。