岑杏賢對袁偉豪未絕情
【陳永峯馬國直擊】藝人袁偉豪與岑杏賢（Jennifer）日前驚爆分手，女方直指得不到安全感，令袁偉豪被懷疑曾劈腿。「分」訊爆出後，Jennifer昨日首度出席活動，穿低胸長裙晒香肩的她表示心情已平復，難過及落淚已過去，又指二人早存在問題，但拒談袁偉豪做錯何事：「佢私下已經同我交代咗，我原諒咗佢。（分手唔關第三者事？）可以咁講，細節唔講太多。（有冇機會復合？）呢一刻唔諗住，一切隨緣。（對呢段戀情失望？）係有啲可惜。（下個唔搵花心男？）冇人知道最終會點，兩個人一齊係緣分。（對佢死心？）又唔想講到死心咁難聽，之後一切隨緣啦！」
同場的應屆港姐冠軍馮盈盈將出戰《2017國際中華小姐競選》，她表示增磅進度理想，有信心勝出，但壓力比選港姐時更大。
陳凱琳馬國宣傳華姐
另一邊廂，2014年華姐冠軍陳凱琳（Grace）昨日與蔡思貝及劉佩玥等在馬來西亞出席華姐記者會，宣布華姐首次跳出香港，明年1月15日在馬國雲頂世界舉行，Astro 2016國際華裔小姐林宣妤將代表馬國出戰撼馮盈盈，Grace大讚二人都內外兼備，問到覺得誰較優勝？她說：「好難講，佢兩個都好識表達自己，亦好謙卑。（有咩改進？）可以再幽默啲，依家觀眾鍾意佳麗真，可能仲加分。」至於林宣妤表示認識馮盈盈，大讚對方風趣，是自己最大對手，但信心爆棚的她自詡身形較高有優勢。
文：影視組
攝：黎志輝