任達華同囡囡意見不合
【林惠珊東莞直擊】藝人任達華、劉丹等人昨日到東莞出席慈善高爾夫球賽活動，任達華表示遺憾老婆琦琦與女兒沒有一同前來：「對於我嚟講，打完波佢哋抬頭擰後望住我微笑先係我最快樂嘅時刻，佢地依家學緊波，希望快啲一齊打。」目前正在放假的他透露聖誕將與家人去旅行：「等個囡揀，佢好想去啲落雪地方，但我唔想，所以少少爭拗緊。」他解釋因之前去寒冷地方拍戲有後遺症：「慘無人道，着啲衫唔夠，流緊鼻涕都要拍，好辛苦。」
劉丹避談兒子緋聞
同場的劉丹就謂打算讓孫女小糯米三歲半時學打高爾夫球，講到快將聖誕節，兒子劉愷威及新抱楊冪到時可會來港放假？他說：「唔係咩節，總之一放假就返嚟。（佢哋呢排有冇假放？）應該冇啦，依家個仔喺新疆，新抱喺上海。」談到有指劉愷威拍劇時跟內地女星王鷗傳緋聞，劉丹未聽完問題即避談：「成日都傳o架啦，今日係慈善高爾夫球，唔講呢啲啦。」隨即轉身走人。
