衛蘭捧蛋糕賀陳詠謙

衛蘭與衛詩、樂隊Dear Jane（DJ）、陳詠謙日前先後到浸大、科大巡唱，大受學生歡迎，眾歌手捧着桃形蛋糕為今日牛一的陳詠謙慶生，全場高唱生日歌，令他受寵若驚，他笑說：「冇諗過會有幾百人為我提早慶祝生日。」DJ昨日現身遊戲機品牌活動，主音Tim亦Cosplay遊戲主角拎住武器出場，四子坦言都喜歡打機，Band房亦特別擺放遊戲機，當中以阿Tim及Nice打機最叻，他們笑說：「好多人上嚟我哋Band房打機就會派Tim做代表同人打，輸咗要請食飯，所以佢幫我哋贏咗好多餐飯番嚟(0架)！」他們又提議其他歌手一齊Cosplay去頒獎禮開派對。