葛優撐阿Sa演技好戲份少唔夠發揮

藝人蔡卓妍（阿Sa）與影帝葛優昨日在英皇集團主席楊受成博士率領下，聯同演員小瀋陽、陳赫、潘斌龍、杜淳等人，在珠海長隆海洋王國出席英皇電影《斷片兒》的記者會。現場葛優更與海豚互動，場面熱鬧。

阿Sa與影帝葛優在《斷》片中大鬥演技，問到葛優今次與阿Sa合作覺得對方演出如何，他大讚阿Sa演技之餘，又說：「她的戲份太少，未能讓她好好地發揮。（加戲份？）不關我的事，是編劇。」問到戲中與阿Sa的關係，葛優笑言大家不是男女朋友：「我們因為一些事情而認識，到最後會再碰面的。」

放大圖片	阿Sa與葛優互笠高帽！

生日收霆鋒六位數

對於葛優指她戲份少難以好好發揮，阿Sa說：「唔緊要，個造型靚已經搭夠！（要化醜女妝？）見仁見智，要化黑，同埋有兩個唔同風格。」她表示今次有不同造型，與過往演的角色很不同，她說：「要化黑個妝，劇情有唔同國度。我係阿圖卡卡人民，語言有啲似西班牙文溝國語。（難唔難記？）我唔使記晒六千個，記對白就得。」她大讚葛優為人幽默和風趣，對人又相當親切。

問到早前生日收到最特別的禮物，阿Sa透露謝霆鋒送上價值六位數的手袋：「之前幫佢拍《十二道鋒味》。我睇中咗個袋，佢畀咗錢我，但點知賣晒喎。之後睇中另一個貴啲嘅袋，咁冇理由再問霆鋒攞錢，最後阿嬌包底送咗畀我。（補幾多？）五位數，我本身話一人一半o架！」同場，楊受成博士表示希望阿Sa有多點發揮的機會。

文：馮雪怡珠海直擊

攝：司徒國榮