楊張新悅收藏囡囡畫作

英國王室成員肯特麥可王子與王妃昨晚首次來港出席慈善拍賣晚會，同場還有日本前國腳中田英壽、名人趙金卿、毛玉萍、楊張新悅等。中田英壽到場後表示不受訪，但就成為全場集郵目標。楊張新悅透露家中三個小朋友都病倒，她說：「幫佢哋抹鼻涕抹到死。」在慈善拍賣會中她可會投買？她說：「唔會，屋企已經好多嘢，我唔會收藏啲乜，最多收藏囡囡啲畫，佢哋會喺梳化、牆畫畫，又鍾意跳舞，講嘢，有時要叫佢哋冷靜啲，因為太嘈啦！」聖誕節她未有計劃，因為聖誕節機票好貴。