諸葛紫岐面青腳軟睇急症
名媛諸葛紫岐（Marie）與老公薛嘉麟前晚神秘現身醫院，戴上口罩的Marie全程痛苦難當，經診治後步履不穩、披散一頭秀髮地由老公攙扶離開。薛嘉麟接受訪問直言兩人歎米芝蓮日本菜出事，Marie被診斷為細菌入腸胃，引致急性抽筋。
諸葛紫岐（Marie）與老公薛嘉麟前晚約十時被發現秘密現身養和醫院，有人目擊Marie一臉病容，流露出痛苦表情，攬實個肚坐在梳化等候應診。記者趕至時Marie已入了診症室，約十分鐘後由老公攙扶步出，向來貪靚的她辛苦得顧不上儀容，披散一頭秀髮。
歎米芝蓮出事
薛嘉麟照顧好病妻坐下，便頻撲地往付款，然後再攙扶Marie上車，期間見她步履不穩，一臉痛苦，更一度伏於老公膊頭。薛嘉麟細心地送太太上車後，又再折返醫院取藥，然後雙雙由司機接載離開。事後致電Marie，其電話未有人接聽，其後聯絡上薛嘉麟，他表示：「今晚同老婆去咗一間米芝蓮日本餐廳食晚飯，點知食到魚生時佢就好肚痛，仲標晒冷汗，又見暈，所以即刻送佢去醫院，醫生話因為有細菌入咗腸胃，引致急性抽筋，即刻同佢打咗止痛針，原本仲要留醫，不過老婆想返屋企，依家佢休息緊。」問到會否追究，薛嘉麟說：「最緊要老婆冇事，其他嘢遲啲先講。」經一夜休息後，Marie上載了藥物相上社交網，表示繼前晚打了一針，昨日又再打多針。
雖然帶病在身，但Marie昨晚仍與兩位旗下男藝人一同出席活動，但仍氣若游絲兼不時按肚，狀甚不適。她透露仍有發燒，問到老公為何未有陪伴，原來對方都抱恙：「佢都有屙！依家淨係可以食白粥。（成日撳個肚有冇畀人誤會有孕？）醫生有問過我有冇生小朋友嘅計劃，因為打針會有影響，我同佢講暫時冇計劃。」她表示已向餐廳有關部門投訴，希望可以注意衛生。
文、攝：追蹤組