王宗堯自閉狀態疏遠蔡潔
藝人王宗堯及歐錦棠日前為一連六場的舞台劇《科學怪人：誰主創造》宣傳，飾演瘋狂科學家的宗堯自爆為了入戲而刻意冷落女友蔡潔：「我要閉關去演自閉科學家，狀態上同外間隔絕。（咁Cool嚇親女友？）我同佢保持距離。（少見面？）都有見嘅，但互動時感覺唔係咁sweet！（佢投訴你？）演員好玩在可以成日喺唔同狀態。」
而歐錦棠透露其太太萬斯敏為舞台劇擔任演員、監製及翻譯，兩公婆更會於劇中上演激烈的強暴戲：「斯敏做宗堯嘅未婚妻。（身份上感尷尬？）點會？大家係演員，唯一會尷尬係佢未婚妻要被我強暴，嗰幕比較暴力！」他又表示為科學怪人一角而致力操出完美Body，目前已成功減去16磅：「科學怪人係由最好嘅肢體拼湊而成，仲要開頭冇衫着。」
場地：劇道場
王宗堯服裝及鞋履：Club Monaco/7 For All Mankind、New Balance