王愛倫圖息風波 拍膊慰小冰

身為慧妍雅集信託委員會副主席的前港姐王愛倫，現場所見，看到王愛倫有拍梁小冰膊頭加以安撫，事後記者致電王愛倫，她初時表示梁小冰和陳法蓉鬧交期間，她並不在場，她說：「我當時不在場，港姐保母Rosa、唐麗球同啲夥計在場，我聽番係一場誤會。（小冰話陳法蓉鬧佢？）我問番夥計，陳法蓉係同夥計講嘢，問夥計有冇通知所有人着制服，呢個係夥記嘅責任，小冰無望陳法蓉，唔知佢同夥計講，而且今日有啲凍，得十幾度，Monica擔心小冰凍親。」問王愛倫會否出面做和事老？她說：「會幫手勸佢，大家師姐師妹，唔好影響心情，走時我都知小冰唔開心，（覺唔覺陳法蓉似慈禧太后？）陳法蓉一啲都唔惡，一齊做嘢好開心，大家好有團隊精神，小冰都好幫手。（陳法蓉近日是非黐身？）人時運都有高低，佢唔好彩啫，有啲咁嘅誤會喺佢身上，要休息下啦！」