方中信獨享寶貝 唔畀老婆掂
愛好賽車的藝人方中信前晚於澳門出席名車品牌活動，他透露明年會投放更多時間在賽車興趣上，又坦言因自己性格奄尖，故不讓太太觸碰其家中的「寶貝」座駕，免得刮花。
藝人方中信（Alex）前晚現身澳門出席「Audi Sport VIP派對」，早前出戰電子方程式香港站挑戰賽並贏得亞軍的他，透露仍想參加賽車比賽：「做埋呢個月嘢，出年會放多啲時間去自己鍾意嘅嘢度，因為之前miss咗好多自己嘅興趣。（好享受速度感？）大部分男仔都鍾意，但我成日喺內地拍嘢，（屋企）啲車都放到冇晒電，好少時間享受駕駛樂趣。」
賽車唔怕危險
問到太太莫可欣有否駕駛他的座駕？愛車的Alex坦言不讓對方觸碰「寶貝」：「太太唔敢掂我啲車，我好奄尖，唔想佢整花。（佢支持你賽車？）上次比賽佢同囡囡（符迦晴）有嚟睇。」又謂太太未曾因怕危險而叫自己放棄賽車，並笑說：「囡囡都唔驚，我老婆係驚我整親搵唔到食。」談及其一家人聖誕將到日本及泰國度佳節，他表示已一早度定八日假期。
黃心美狂吸金
而為活動擔任司儀的藝人黃心美，開心透露工作量大增，問到收入是否隨之大幅提升？她坦言吸金力上升：「呢個月嘅收入係入行以來最多。（幾多位數？）未去到7位數，年尾應該會再多啲工作。（帶挈埋阿妹黃心穎？）最近有一齊做MC，之前多數係佢做嘉賓，我做MC。（佢搶你飯碗？）佢不嬲有搶我飯碗，佢有接好多工作，但佢鍾意拍劇多啲，我就真心鍾意做MC。」她續透露有開始嘗試拍攝劇集，最近更跟廖啟智上了十堂演技課。
車綺敏澳門直擊