名模陳嘉容的師妹楊曉穎（Sharon）擁有美好身材，有料唔怕晒，日前她着比堅尼做瑜伽高難度動作，完全零難度！Sharon現一邊修讀市場管理學的遙距課程，一邊做模特兒，她希望大學畢業後可全身投入發展音樂事業。
感情未有着落的她坦言恨拍拖，透露擇偶條件要求甚高，身高1米78的她希望男友高過自己，她說：「一定要高過我，仲要對我好，錫我屋企人，同埋如果鍾意做運動、識揸車就會加分，我覺得揸車叻嘅男人好吸引，其實我知自己嘅要求較高，咁係因為我想如果拍拖的話，就會諗住結婚，唔係玩玩吓。」
