陸永借囡囡童言讚自己有長處
組合農夫及C AllStar昨日出席同抗愛滋病活動，擔任司儀的農夫見到兩個人形安全套公仔表現興奮，問到是否熟悉使用安全套？已有兩女的陸永說：「我就真係唔熟喇，如果唔係唔會有兩個女。（依家唔用？）又唔好咁講，少用啫。（唔驚又中生第三個？）冇乜機會用，好攰，又有兩個小朋友。（驚畀小朋友見到？）做做吓爬上嚟點搞？不過冇試過。」
問到C君是否「安全者」？他抵死地說：「唔係覺得我仲係處男嘛？」身旁的陸永取笑他說：「笑你冇乜機會用呀。」陸永承認有與四歲大女陸一穎一齊沖涼，以灌輸性教育，他說：「佢得四歲唔尷尬，我去廁所成日都望我，仲同媽咪講爸爸有長嗰個，因為佢唔知點形容，我鍾意佢咁形容，好彩唔係話我短。」
讀詩思故「香」
此外，陸永太太Reinah上載大女讀詩短片，當中大女將「低頭思故鄉」誤解成「低頭思故『香』」，笑言好想食「思故」，因為香噴噴。
文、攝：音樂組