陳瀅重遊拍拖舊地唔會Sad

藝人陳瀅、師妹袁澧林（Angela）及魔術師甄澤權（Louis）昨日出席聖誕揭幕禮，談到如何過聖誕，陳瀅表示想去日本：「上年喺嗰度過咗個白色聖誕，好開心！」問到當時是否與舊愛何猷亨一齊過，她尷尬地說：「係啩！你哋仲清楚過我啦！（觸景傷情？）唔會，每次去都有新回憶，今年約咗幾個溫哥華朋友去。（新回憶冚唔住舊回憶？）開心嘅回憶記住就得。」
陳瀅重遊拍拖舊地，創造新回憶。
陳瀅重遊拍拖舊地，創造新回憶。

而有「文青女神」之稱的Angela則透露，每逢聖誕都會約中學同學到長洲玩，問男友會否詐型？她說：「佢明嘅，佢工作都好忙。」至於Louis的節目拍檔吳若希認有喜，有指她佗B女，Louis說：「咁快知？如果係男仔，我就教佢玩魔術；如果係女仔，就教佢玩魔術家側邊講『點解嘅？』」

陳瀅（右起）、甄澤權及「文青女神」袁澧林合力搞氣氛。
  • 陳瀅（右起）、甄澤權及「文青女神」袁澧林合力搞氣氛。