黎明講JM Tone被剝褲 笑現「豬大腸」

女藝人文詠珊（Janice Man、JM）早前因說話中、英夾雜而被嘲是「JM Tone」，熱爆全城，想不到其舊老闆黎明（Leon）亦湊熱鬧講埋一份！昨日他上載名為「明福俠之BIG BIG WOK」的動畫短片，片中Leon以「明福俠」真面目「Lego頭」親解脫罩之謎：「唔做明福俠其實都幾爽呀，尤其係個蝙蝠頭盔太重喇，搞到我剩番一條頭髮。」話口未完，一陣怪風將他唯一一條頭髮都吹走埋，他無奈地說：「依家都冇埋喇！」

「Why you綁住我做乜？」

其後有奸人出現施襲，「明福俠」留下一句「What the黑」便被拐走，奸人隨即奸笑說：「剝褲行動現在開始！」被綁起的「明福俠」以中、英夾雜的「JM Tone」問奸人：「What do you want from me？Why you綁住我做乜？你又冇着數，我又冇得着，不如你去Foot Massage，我請你吖！」當奸人表示最憎「明福俠」身上的「禁止粗口手勢」T-Shirt，「明福俠」即搞笑說：「我一見到你個樣咁型，就知你係英文粉絲團啦！又識講T-Shirt兩個字，OK，Good luck to you！」

文詠珊 乜你學我中、英夾雜呀？（設計對白）	奸人吊起「明福俠」，揚言要剝褲讓大家看他的「豬大腸」。	放大圖片

戲肉是被吊起的「明福俠」遭拍「半裸照」威脅，奸人揚言剝他條褲：「要世人見到你條豬大腸！」被強行剝褲的「明福俠」面泛紅霞驚叫：「乜原來我咁大㗎！」奸人看到他「裝假狗」即說：「咁大個人仲用兜檔布，扮大嘢！」把他一腳伸埋牆喪影合照，再在他大腿留下烙印，他即大叫：「我頂呀！」結果被打到老遠的垃圾堆。見有警車駛過，「明福俠」本想報警，但憶起被拍「半裸照」太羞家即「縮沙」，無奈說：「真係Bad Luck喇！」片尾是「明福俠」憤然走人，被蕉皮跣到「趴街」，再戴上新頭盔在「明福俠」Logo上小便，非常抵死！

冇褲着的「明福俠」露出兜檔布，面紅紅自誇「咁大」，超搞笑！

放大圖片

逾14萬人次瀏覽

全片長逾3分鐘，雖然只聞Leon聲未見其影，但因故事搞笑，至昨晚8時上載約9小時已有14萬人次瀏覽量，網友紛紛留言「明福俠好大犧牲，畀我哋睇到佢條大肉腸」、「冇褲着好好笑」等，反應非常熱烈！

文：音樂組