胡琳樂做大眾女朋友
歌手胡琳昨日為《Body n' Soul》演唱會藍光碟舉行簽名會，之前因印刷及壓碟出錯，唱片公司花了6位數字重印新一批藍光碟，她說：「錢固然重要，但最重要係保持良好嘅聲譽，畀番信心歌迷，以後我哋都會更加謹慎。」又特意準備了跟韓國《Running Man》成員池石鎮合唱的新歌派台碟送給歌迷：「之前試過有人將派台碟拎去炒，太誇張，但我唔係因為咁先送派台碟，我係想畀佢哋做珍藏。」
提到有歌迷在社交網稱呼她做「女友」，胡琳坦言不介意：「有人話我唱歌把聲好有女朋友feel，我開頭唔識反應，但之後覺得有咁嘅效果都唔錯。（男友呷醋？）有多啲『男朋友』聽我嘅碟，佢都會戥我開心！」