陳煒認加墊 張秀文揈胸震蕩
無綫小花高海寧（高Ling）、張秀文及陳煒於《台慶》表演肚皮舞，擁D Cup導彈胸的張秀文成為焦點，鏡頭前喪揈胸騷舞技，效果震撼，盡搶胸前加布的高Ling「峰」頭，但年屆42歲兼為人妻的陳煒也不輸蝕，扭腰起舞，於鏡頭高炒下盡現巨胸效果。
穿藍色超性感舞衣的秀文透露未有為性感戰衣操弗身形，又否認會「震爆舞台」，她說：「係有啲震嘅動作，不過唔想大家焦點放身材上面囉！」「封胸」的高Ling對於被陳煒搶風頭，兩女互視而笑，高Ling笑指安全最緊要：「跳舞期間要shake個胸，郁動好大，所以冇加布唔敢跳。（遮晒個胸！） 唔介意，我扭腰扭得好靚。」而陳煒就坦言舞衣內有兩大個胸墊營造澎湃效果。另外，李施嬅於才藝表演中盡騷琴技，露長腿的她邊揈腳邊演奏，結果走光收場。