林頴彤靠吊飾耳環「瘦面」
無綫藝員林頴彤（Bella）外表嬌滴滴，平日衣着相當率性，自言性急的她不愛多花時間於襯衫方面：「我比較鍾意套裝，有人幫我襯埋一套，一着上去就出得門，最近啲韓國套裝啱晒我。其實細個時，媽媽都係買套裝畀我多，佢仲教我因為身形唔高大，所以每次着衫唔好畀多過三隻顏色同時出現喺身上。簡單就是美，唔應該太花巧。」
以往慣常留長髮，Bella連耳環也懶得戴：「真心唔係好鍾意戴首飾，不過最近剪短咗頭髮，開始試吓戴耳環，依家買咗一堆返屋企，有啲誇張到大過對耳仔，不過好型，所以搵緊機會戴出街。我塊面偏肥，都鍾意買啲吊飾耳環，戴上嚟好似拉長咗塊面咁。」她經常搜索韓式耳環，設計獨特之餘，一對花費只不過一百幾十，絕對合乎經濟原則。
