黃長興菠蘿蓋爆缸

藝人黃長興、翟威廉、何君誠及應屆港男三甲黎振燁、丁子朗和鍾君揚等，前晚為《萬千星輝賀台慶》綵排表演項目「跳躍飛騰Jumping Man」，一眾型男在鋼架爬來爬去，做出高難度肢體動作。左邊膝蓋「見紅」的長興表示是在另一個表演綵排中擦傷：「戴個塑膠嘅護墊跣落地上嚟擦火花，我論盡，戴得唔好移咗位。（唔敢同老婆講？）係呀，唔敢畀佢睇。如果個女問我係咪痛，我會話爸爸曳曳囉。」而翟威廉綵排時亦磨爛褲。