周秀娜剪睫毛驚到喊
藝人周秀娜昨日出席活動時，憶述自己年輕時曾眼睛發炎及生眼瘡，最終要做手術，更要把眼睫毛剪掉，當時令她喊到癲：「打開紗布，拆咗線之後，隻眼又紅腫、又好奇怪，我未見過自己隻眼冇眼睫毛嘅，咪喊到癲咗，好怕生唔番！」她直言當時不敢外出，就連男友亦不敢見。
問周秀娜可會素顏見男友？她說：「實會(口架)，冇理由化住妝瞓覺。（有啲人等男友瞓咗先落妝，喺佢醒之前化好妝。）都係愛的表現，我化好妝同男友行街都開心啲。」問她喜歡單眼皮還是雙眼皮的男生？她笑言只要不是沒有眼睫毛便可，眼睛不重要，最重要是有才華。