盧頌之遭愛犬噬爆血案！
藝人盧頌之（DaDa）與男友趙勁皓愛得癡纏，早前男友在社交網向女友示愛指要一生一世，被指已求婚成功。正當大家替DaDa開心之際，她卻不幸在家中「受襲」釀「血案」。昨日凌晨DaDa在社交網上載一張疑似沾滿血的棉花棒相，寫道：「有時候女人需要一個男人，就像跳機者需要降落傘，如果此時此刻他不在，那麼以後他也不必在了。」雖然未有透露發生何事，但亦收到不少網民問候，結果她昨午再上載一條短片，解釋「受襲」經過。
搞到要單腳跳
片段中見到一隻右腳布滿傷口及瘀血，有人用棉花棒為腳部清洗傷口，原來DaDa被家中的愛犬襲擊，她寫下：「屋企隻狗太記仇，兩隻嘢打架，即刻抱起IKON（狗名）諗住冇事，點知佢（星仔）冇嘢咬，狂咬我隻腳補數，痛到飛起，要單腳跳喇依家。」記者聯絡上DaDa，她說：「當時隻芝娃娃（星仔）同IKON爭路行跟住打交，我就抱起咗IKON，星仔就咬實我隻腳唔放，到佢放口時我隻腳已經流晒血。我痛到放大喉嚨咁喊，爸媽見狀立即為我處理傷口。（打破傷風針？）冇，因為自己隻狗打齊咗針，所以都唔怕。」
DaDa又透露男友趙勁皓得知後買了藥水給她，對於男友日前貼相疑似與她結婚？她笑說：「佢無啦啦扮晒嘢喺度冧人之嘛，不過佢講笑話已經求咗婚喎！」
文：專案組