蕭正楠跳樓避難乘機(目及)嘢
無綫藝人蕭正楠（Edwin）日前為新劇《超時空男臣》拍攝跳樓場口，被吊上半空的他毫不膽怯，更笑言無意間「偷窺」了附近居民的睡相！
蕭正楠（Edwin）是來年最多產藝人之一，工作排到明年六、七月，最近他就忙於拍攝新劇《超時空男臣》。日前，他為該劇拍攝跳樓場口，劇情講述他與田蕊妮為了躲避黑幫追殺，膽粗粗在六、七樓一躍而下！
六、七層高？小兒科！
拍攝時，Edwin與攝影師齊齊被吊上半空，Edwin受訪時說：「我哋拍攝時間係朝早九點幾，嗰陣好多人都喺度瞓緊，未起身，所以睇到晒，真係唔係幾好意思！」他笑言拍攝時心情興奮，因現場有不少菲傭姐姐圍觀，更為他歡呼尖叫：「當時我簡直好似Ironman咁！幾多人喺度尖叫！（點解咁型但要戴假髮？）劇情講我係明朝將軍，返到現代時費事咁張揚，所以都係自己剪髮，要戴假髮，之後先會變番靚仔。」問到吊在半空，可有心驚膽戰？他說：「唔會啦，點會驚呀！拍《巨輪II》嗰陣六百幾米笨豬跳都跳過幾次啦！今次呢啲小兒科啦！」
文：影視組