「屋邨妹」何洛沂動起來行蹤話你知
「屋邨妹」何洛沂（Ashley）直認較少運動，即使求學時上體育堂亦只是Hea做，但為了健康着想及操弗身形，近年開始打羽毛球及游泳，不過打球技術認真麻麻，執波多過打波，看來仍需努力！至於游泳，Ashley每周平均到室內泳池兩次，而且一定穿三點式，她更自爆行蹤：「如果想撞到我，可以多啲去九龍東嘅泳池，而我怕曬同多人，通常朝早或者夜晚先去。」
此外，熱愛藝術的Ashley最愛畫畫，擅長畫油畫及塑膠彩：「我可以Hold住一個甫士幾個鐘唔郁去畫畫，好享受好專注做一件事，係我放鬆嘅方法，我之前有教小朋友畫畫，夢想係開繪畫Workshop教人畫畫。」
