滕麗名仆到應向Bobby呂慧儀問責
無綫藝員歐陽震華（Bobby）、滕麗名、呂慧儀、羅蘭、劉江、盧宛茵、張頴康和張彥博，昨日在將軍澳出席旅遊節目《一屋老友去旅行》記者會。眾人分享拍攝感受之際，穿高跟鞋的滕麗名突然絆倒，眾人連忙扶起，滕麗名隨即展開「緝兇」對呂慧儀笑說：「都話我哋傳不和（口架）啦！」呂慧儀笑說：「我整跌你？」滕麗名隨後又向Bobby發難，埋怨對方絆倒她，十分搞笑。眾人又送上壽包為羅蘭慶祝日前82歲生日。
斬雞似劈友
Bobby受訪時取笑滕麗名說：「佢挨喺我後面，男女有別，我當然唔好意思，一縮佢就自己絆倒。」他指今次到台灣拍攝，最驚險是要駕駛電動車載羅蘭，為安全計，他情願以「龜速」行駛：「好大壓力，坐後面攬要有技巧，但羅蘭姐未必攬得晒我，見佢得兩隻手指扣住，哈哈。」他又爆滕麗名入到廚房就好似上身一樣：「佢斬雞個樣好狼，好似劈友咁，唔知係咪當咗隻雞係老公。」講到來年工作，Bobby笑謂明年會「休息」，因為2月到8月都會主力拍攝無綫五十周年長劇《誇世代》。
滕麗名受訪時則繼續向呂慧儀「問責」說：「都係你移動我啦？」呂慧儀說：「我冇移動你喎﹗」滕麗名說：「係啦，係我自己絆倒。」場面搞笑！
