馮盈盈增磅戰華姐加送肚腩仔

「港姐組合」包括麥明詩、陳凱琳、王君馨、朱晨麗、陳庭欣、張秀文、應屆港姐冠軍馮盈盈、亞軍劉穎鏇、季軍陳雅思、友誼小姐張寶兒等，前晚在將軍澳電視城為《萬千星輝賀台慶》「智靚合唱團」項目排舞。

麥明詩拍劇慘被打

首次在台慶表演的馮盈盈心情緊張，自嘲不時蝦碌出錯，但相信到正式表演就算出錯，其他姊妹也會為她補救。馮盈盈稍後將參選華姐，近期積極準備，特別是要增磅，她說：「增緊磅，有個小肚腩，冇磅肥咗幾多，朋友都話我豐滿又健康咗。（男友覺唔覺你肥咗？）親朋戚友都覺得肥咗，但仲有進步空間。（男友鍾意你肥定瘦？）健康啲就最好。」

麥明詩將投入拍攝劇集《使徒行者2》，今次對手是魏焌皓，問是否有被姦戲份？她笑言：「我都第一時間睇吓有冇，等我有個心理準備，今次動作場面多啲，都有啲危險，仲會被人打。」提到前緋聞男友何浩文公開新戀情，問她有沒有甩難感覺？她笑說：「我又唔會咁諗，冇話甩唔甩難，佢都係電影男一，唔會搵我嚟博宣傳，所以我唔會以小人之心度君子之腹。（有冇聯絡？）工作以外好少聯絡。（電影宣傳見到會否尷尬？）唔會。」

麥明詩笑言拍《使徒2》，第一時間睇吓有冇被姦戲。	張秀文輕易擘出一字馬。	陳凱琳、王君馨和黃智雯等落力排舞，有姿勢有實際。

劉佩玥披婚紗中暑

同場的劉佩玥前日拍攝劇集《降魔的》婚紗戲時中暑，她笑說：「我諗大家都未聽過11月中暑，拍婚紗戲時烈日當空，戴咗頭紗，婚紗又有八層都幾焗，突然間覺得暈暈哋、有啲想嘔，有啲輕微中暑，大家叫我坐喺度飲水休息。」至於最近接受矯視手術的陳凱琳指眼部康復得不錯，問男友鄭嘉穎有否陪伴照料？她笑說：「佢唔喺香港，自己照顧自己，但佢有短訊我，叫我唔好睇咁多資訊，哈哈。」

文：影視組