江欣燕遇電話騙徒竟被溝！
藝人江欣燕日前遇上電話騙徒，收到聲稱是入境處電話，欣欣接受本報訪問時說：「有一日接到電話，話寄咗信畀我，問我有沒有收到，話我嘅資料被盜用，要同我核實資料，跟住轉駁電話畀上海公安局嘅林警司，好似真嘅一樣。」
江欣燕同「林警司」對話一輪後，被要求登入上海公安局網頁，不過剛搬屋的江欣燕未安裝好上網，結果「林警司」要求提供其他聯絡方法，江欣燕留下WeChat，而收線之後，江媽媽覺得似電話騙案手法，江欣燕才如夢初醒，立刻跟電話紀錄回電，結果該5字頭電話未有用戶登記。問到江欣燕有否損失？她苦笑說：「損失咗時間同良心。」
報警勸騙徒收手
江欣燕表示識破是電騙後，已報警求助，卻仍有餘波。話說她報警之後透過WhatsApp聯絡騙徒「林警司」，表明已報警及勸對方收手，豈料「林警司」指江欣燕打錯字，回頭是「岸」不是「回頭是案」，仲向江欣燕訴苦，話做騙徒係因為被威脅。
「林警司」還大膽到要求同江欣燕做朋友，又話知道江欣燕同前夫的事，最離奇是「林警司」居然話做「佢哋嘅圈子都有好人」，跟住不停傳WhatsApp給江欣燕，問她為何不回覆，又讚江欣燕靚女、美魔女，認真搞笑。
江欣燕表示，去警署報案係希望打擊犯罪集團，「警方唔聽我嘅故仔，我諗住提供啲WhatsApp、WeChat短訊畀佢哋，佢哋話手頭上太多呢啲案件，損失好嚴重嘅亦好多好多。」