張敬軒封咀9年拍吻戲粉絲心碎遍地
張敬軒新歌《風起了》MV，昨日凌晨12時在英皇娛樂官方頻道首播，已有9年「封咀」不拍吻戲的軒仔，為營造與女主角模特兒Judy甜蜜滿溢的感覺，導演特別加了一場在梳化上「男上女下式」的接吻戲。雖然兩人分兩次、四唇緊合啜了僅10秒，且沒有再進一步的「深入了解」鏡頭，但已令軒迷「醋爆」，在社交網已有數百留言「投訴」表示心碎了，要生要死。
膠紙修補Fans心
網友紛紛留言「針對」軒仔這場「10秒咀戲」，除指睇完MV後要「成棚人去睇心理輔導」外，又有人說「三分十秒，我失戀了」、「睇完、唔係吹暈，係哭暈」、「好hurt，hurt到依家，接受唔到」、「我看到Kiss已經氣暈了」、「我嬲你啦，同第二個女仔Kiss」、「自殺了」、「瞓醒一覺成地玻璃心」及「哭暈在廁所」等，一眾軒迷當正軒仔是男友，睇《風起了》MV睇到「瘋起了」，不過有部分歌迷亦大讚MV拍得浪漫，期待軒仔再拍深吻戲，還有網民大讚軒仔演技好應去拍偶像劇及電影。
昨日軒仔接受電話訪問時安撫粉絲：「聖誕佳節就到，今年我會準備多啲花紙、膠紙貼番好佢哋個心。」至於軒仔經理人則說：「軒仔9年先逢一潤MV有咀戲，其實佢啲Fans係好明白事理嘅，唔擔心歌迷會嬲。」
文：音樂組