伍靜麗「跟尾貓」Yoda黐住瞓
模特兒伍靜麗（Angie）家有三隻貓咪，分別是10歲的貓仔Siu Pak、8歲的貓女Ah Lau，以及3歲的貓女Yoda，她說：「Siu Pak同Ah Lau係男朋友養開嘅，我哋一齊之後就一齊養喇！而Yoda係喺寵物店買嘅，當時我哋一打開門，佢係第一隻跑出嚟。」她表示養貓帶來很多歡樂：「屋企有小動物都多啲生氣，就算一個人喺屋企都有佢哋陪。」
三隻喵喵各有性格，Angie笑說：「Siu Pak係吸塵機嚟，好鍾意食嘢，咩都食，食得好快，食罐頭好犀利！Ah Lau就成個Super Model咁，又高又瘦，食好少嘢，步姿好Elegant，真係Catwalk嚟。而Yoda就最百厭，因為佢最細個，充滿好奇心，成日跟住我要八卦我做咩，似隻狗仔。同佢哋相處有好多得意嘢，最難忘係Yoda細個時教佢做動作，好似訓練狗仔咁。」問到可會偏心，她說：「梗係三隻都錫，不過我會偏心Yoda少少，我由佢BB時開始照顧佢，佢最黐我，夜晚喺我個頭度瞓，好搞笑！」
