威尼斯浪漫求婚 李依琳爆喊

扒王之王老闆李德麟與邵氏影星林珍奇的女兒李依琳昨晚出席護膚品活動，久未露面的她中指戴上兩卡求婚鑽戒，並透露與拍拖兩年的外籍醫生男友已訂婚。她表示與男友7月時返港，對方因工作已返美國。問到父母喜不喜歡未來女婿？她說：「好鍾意。（畀100分？）可能多過100分，媽咪好鍾意佢。（幾時結婚？）未有計劃，每次諗結婚嘅嘢都會令我覺得有壓力。」提到求婚過程，她透露男友於威尼斯小艇上求婚，自己感動得狂哭：「諗唔到佢會喺個咁公開嘅地方求婚，因為都幾尷尬。」同場的名模周汶錡以型格性感造型上陣，Deep V露背兼晒腿，又笑指老公：「佢睇晒，冇咩未睇過，你哋見到嘅嘢係open嘅，鎖住門嘅嘢你哋睇唔到。」