龐卓欣拍拖撐場 男友嫁得過

日前龐卓欣與男友、即「鐘錶大王」孫秉樞的孫仔孫智威，以及前港姐冠軍張舒雅、華明行副總裁高偉國、女星黃安安、前歌手方珈悠及樂壇新人潘伯仲等現身100%有機果汁店CATCH JUICERY位於中環的新店開幕活動，同場還有魔術師表演助興，場面熱鬧。

Ada以小背心配短裙上陣，露出白滑玉背與修長美腿，非常吸睛，與男友拍拖四年仍表現甜蜜，她自言也感到難以置信：「係拍拖以嚟最長嘅一段關係，自己都有啲驚，感覺係嚟真。（認定對方做結婚對象？）都算係，暫時為止都好夾。（幾時結婚？）唔會咁快，都已經認定咗，結婚就唔需要咁趕，以事業為重。」

放低自尊換回友情

談到工作，已做了一年YouTuber的Ada透露成績不俗，短片最高有三至四萬點擊率，之前她在片段中自爆曾為前男友搞到患厭食症而暴瘦至90磅，她說：「我喺其他人眼中好似一帆風順咁，其實有好多挫折，選港姐時因為同朋友嘅相畀傳媒登咗，搞到同三位好朋友鬧翻，冇傾偈一年，最後我放低自尊主動道歉先和好。（對男友會唔會放低尊嚴？）拍拖關係唔可以太過冇尊嚴，你要有自尊，對方先會尊重你。」而工作瓣數多多的她透露將接拍首部電影，還有教小朋友古典聲樂。

龐卓欣與男友拍拖四年，已視對方為結婚對象。	現場有魔術師表演魔術，大家都落足眼力睇到實。	樂壇新人潘伯仲認為飲健康又全天然的果汁，有助紓緩工作壓力。

黃安安愛冷壓果汁

另外，一直在美國洛杉磯拍戲的女星黃安安表示在當地非常流行冷壓果汁，自己也經常飲用：「好開心依家香港都有，我會揀蔬菜汁為主，因為可以減肥。」她表示早前首次參演港產片，心情緊張，稍後將花更多時間留港發展。

文：名人組