阿Sa呻搵老公難：好仔都畀人擸晒！

蔡卓妍（阿Sa）與楊諾思昨日出席英皇珠寶「Emperor Waltz瑰麗舞曲」發布會，阿Sa穿上Cut-out白色連身裙並戴上合共40卡的綠寶石頸鏈、耳環及戒指。在台上司儀叫阿Sa揀定珠寶給一月生日的好姊妹鍾欣潼，阿Sa反指自己本月生日，應該叫阿嬌送給她。阿Sa又透露收藏的珠寶大部分都是老闆及媽咪送，問到是否凡開聲老闆都會送珠寶？她說：「唔可以成日開聲，睇啱佢開心，會事半功倍。」她更笑言會開老闆娘保險箱借珠寶戴。

同潘瑋柏唔熟

月底生日的阿Sa表示未知如何慶祝，因為可能要在內地拍戲。她又謂年年生日都大搞，今年反而想幾個知己食飯，因為次次都飲醉好辛苦。提到會否與緋聞男友潘瑋柏一同慶祝？她否認戀情，亦不明白為何會傳緋聞，並指雖然大家有共同朋友，但私底下不熟，她說：「最搞笑有人信！牙醫、做facial阿姐都有問我。（佢哋想你快啲拍拖？）證明潘瑋柏係筍盤。（順勢發展？）異地辛苦。（要揀香港？）最好，但有啲難，因為我唔係成日出街，識嚟識去都係嗰啲人，塘水滾塘魚，好仔都畀人擸晒，其餘唔揀都知咩事。」

楊諾思	阿Sa無奈話不明白為何會與潘瑋柏傳緋聞！	潘瑋柏

天蠍座 怕麻煩

提到阿嬌在內地節目表示想結婚生仔，阿Sa表示好正常，自爆有相同想法：「我幾想生仔，但生仔要結婚先，有先啦，冇所謂，不嬲都自得其樂。（有人追？）有，但天蠍座一係鍾意，一係唔鍾意，唔鍾意就當唔存在，好怕麻煩。」

另外，英皇鐘錶珠寶主席楊諾思被問到會否送綠寶石珠寶給阿Sa？她說：「要問老闆。（私下會叫阿Sa揀？）叫佢睇睇，佢應該鍾意簡單啲。」問到是否喜歡收藏珠寶？她表示：「我幫個女每年買一卡鑽石，佢19歲就有19粒。（幫阿女儲嫁妝？）每年儲一粒，有個故事咁佢先會記得。」

文：名人組