何紫綸被開價3千萬陪3日 陸詩韻：應該去啦！

名模兼娛樂公司老闆何紫綸（Ann）昨日為新書舉行記者會，碰巧結婚一周年，老公特別到場支持，好友包括陸詩韻、可嵐與陳樂榣等撐場。Ann透露新書講述17歲入行以來的經歷及辛酸：「係自己半生嘅自傳，講未入行前追尋夢想、結婚到開公司。（完成咗最大夢想？）都好圓滿！嚟緊都想生BB，放多啲時間喺家庭。」入行多年，Ann坦言知道不少圈中秘聞：「都收過啲電話，叫你去活動、飯局，記得23、24歲時去過一次，去到好奇怪點解一男一女隔住坐，個位又有封利是，發覺有問題中途已經走咗。（利是幾錢？）冇拆開呀！（試過畀人問價？）勁多！（最高價開幾多錢？）話三日有3,000萬！真定假呀！但自己冇心郁。」