周秀娜兩年嫁唔出心郁郁雪卵
周秀娜與鄭欣宜前晚現身電影節閉幕禮，明年踏入30歲的欣宜直言考慮「雪卵」等將來生BB，女神周秀娜則預告有機會閃婚兼生仔：「如果兩年內閃婚唔到就考慮雪卵，話唔定唔使呢！」
藝人周秀娜、鄭欣宜與蔡瀚億前晚現身《香港亞洲電影節2016》閉幕禮，由他們主演的電影《29+1》獲選為閉幕電影。明年踏入30歲的欣宜現時感情未有着落，直言有諗過「雪卵」準備將來生BB：「啲Eggs（卵子）有限，但我唔知雪住啲Eggs貴唔貴，如果負擔得起嘅話我會雪o架！想第時生一個，仔女都冇所謂，另外仲會領養一個！」直言未搵到真命天子的她又笑說：「唔通街市搵呀？」想做好自己才尋找白馬王子。談到父親鄭少秋獲演藝學院頒發榮譽院士，她表示不知情，但笑言爸爸一定會好型。
搵定資料準備
同場的周秀娜雖未考慮過雪卵，但聽畢欣宜的想法亦有所改變，她在電話中回應：「真係要搵吓資料！搵啲信得過嘅公司，唔成功就唔好啦！」問到考慮何時雪卵？她即語出驚人：「過咗一兩年先！如果兩年內閃婚唔到就考慮，話唔定唔使呢！」
唔擔心冇人要
談到《29+1》獲選為閉幕電影，周秀娜直言拍攝時有壓力，雖踏入「3字頭」但未有擔心過：「其實每個女仔、男仔對『29+1』呢個年紀都有唔同想法，我拍嘅時候就專心演好角色，冇擔心其他嘢。（唔憂嫁？）時間都係咁過o架喇！冇去擔心呢方面！」
文：影視組