Coffee出動D Cup胸器 開心Share比堅尼
網絡世界係好多人一炮而紅的舞台，亦係現時一眾藝人自我宣傳的妙方！最新推出的《網紅速遞》精選城中最爆、最新、最多網民討論的熱話，向大家介紹網絡紅人及他們的出位攻略，唔想同朋友冇話題傾？咁就要mon實《網紅速遞》喇！
雖然近日天氣開始轉涼，但夏日狂熱仍未退減，擁有34D豐滿上圍的藝人林芊妤（Coffee）日前在其YouTube頻道上載名為「同你開心SHARE BIKINI」短片，請大家眼睛食冰淇淋！片中Coffee拿出家中收藏的各款比堅尼，更親自換上三款性感三點式及附上自家靚相，向粉絲逐一分析不同款式的利與弊。
華麗轉身騷翹臀
她向女士們推介掛頸間條泳衣以方便玩水，又自爆最鍾情傳統三角形「少布」三點式：「呢種背心型適合唔想太性感嘅女仔。胸唔大，或是胸太大嘅女仔都着得。而我最鍾意另一款傳統三角形，符合身形豐滿嘅女仔。」
其實這段短片可謂「男女通殺」，難怪觀看次數超越四萬次，為Coffee收穫高企人氣！只因Coffee除了瞓身講解，令女粉絲洗耳恭聽外，更順便大晒澎湃D Cup「胸器」。片中鏡頭不時影實Coffee嘅靚樣外，更有意無意地close up其酥胸，務必令宅男粉絲直噴鼻血！要性格活潑的她坐定定介紹泳衣有一定難度，所以Coffee於片尾索性換上一套特別設計的連身泳衣行catwalk，表現投入的她晒出招牌甜笑外，更轉身騷出翹臀，電死一眾網民！Coffee經常大方在網上分享此等活色生香的短片，奠定「網絡女神」之位！
