樂隊Mr.近年在港已鮮有公開演出，在「冇夾Band的日子」，除了主音Alan家底豐厚不愁生活外，其他成員為謀生都靠一技之長做「副業」搵銀，當中鼓手Tom開設音樂學校做老闆，更親自教人打鼓，隊友Ronny和MJ搭檔開班教授結他。然而各人現當「副業」時間比正職還多，難怪Mr.散Band之說更加似層層。
昨日記者聯絡Ronny，他表示：「我哋仲接緊騷，傾啲Count-down騷，係Mr.名義做。（矛頭指向Alan？）我覺得對佢唔公平。隊Band已經冇咗唱片公司，就更加要一條心。」MJ亦回覆：「雖然大家為隊Band有唔開心過，但同時大家都為大家付出過，我哋冇人有解散念頭。」而Tom至截稿前未能聯絡上。