樂隊RubberBand（RB）和Mr.同期於2008年出道，且亦於今年和唱片公司約滿，不同的是，RB非但沒傳拆夥，且前路一片光明，現RB已自組公司將推出新歌及於12月14至15日在旺角麥花臣場館舉行「呢度RubberBand LIVE 2016」演唱會。
昨日RB成員阿偉接受電話訪問說：「回復自由身後，都有唱片公司搵我哋，但我哋想自由度大啲，所以自組公司，成立公司都係有限錢，請咗一個人做幫手，好開心嚟緊都好多嘢做。」談及有傳Mr.成員Alan「唔想玩」，阿偉坦言：「聽過傳聞，我之前同Alan做舞台劇都傾過，有勸過，佢話想『抖抖先』，最緊要佢開心。」他續說：「我哋（RB）都有鬧交，但我哋只對事唔對人啫。」