十億駙馬Alan蹺起Mr.：嫁四個男人好難頂
屢傳「散Band」的樂隊Mr.在中山「合體」開騷，歌迷共慶樂隊「回歸」之際，Mr.原來瀕臨解散邊緣，矛頭直指有「10億駙馬」之稱的主音Alan。有傳Mr.決定跟唱片公司不續約後感前路茫茫，有人「發晦氣」說：「我唔玩啦！」令樂隊難以再續，Alan直認想「停一停」，更激動指樂隊成員難頂：「好似嫁咗畀四個男人咁，佢哋真係好難頂o架！」
由Alan、Dash、MJ、Ronny及Tom組成的樂隊Mr.成軍8年，曾得譚詠麟賞識，帶挈Mr.四出巡唱，又合作推出專輯。本是前途無限，但近年屢傳Mr.內訌將拆夥，去年底Mr.和環球唱片公司宣布今年約滿便「暫停合作」後，五子僅「合體」過演出兩個內地大型騷，其他日子鮮有聚頭，不過前晚Mr.再度齊人以壓軸嘉賓身份演出在中山舉行的「南獅音樂節」，Mr.的出現令過千歌迷瘋狂，更有歌迷激動到眼濕濕。
五子火爆屢有爭拗
正當歌迷熱烈慶賀Mr.合體之際，實則Mr.卻面臨「解散」危機，有傳Mr.決定和唱片公司不再合作後，一方面要努力償還欠環球的「歌債」，另一方面又承受近乎「零工作」的經濟壓力，加上五子均性格火爆屢有爭拗。爆料者指有次五子聚頭時，有人發牢騷說：「我唔玩啦。」令其他成員大感冇癮，更有人暗怨：「佢咁有錢，梗係唔使擔心生活啦，我哋要搵食o架！。」而傳聞中的「某人」是兩年前娶了家族坐擁10億身家、有米千金陳雪瑩的樂隊主音Alan。
事實上，五子「兄弟決裂」有迹可尋，翻查他們的社交網鮮見五人合照外，連Alan早前跟RubberBand成員阿偉、Kolor成員Sammy合演舞台劇，也不見Mr.其他成員捧場，加上Alan亦開設新Band房及自組另一隊Band創作新歌，Tom則開辦音樂學校，邀請MJ、Ronny擔任導師拍檔搵食，加上以Mr.名義租用了5年的Band房於本月初亦告「執笠」，似乎五子已各行各路。
Dash：有生活壓力
成「眾矢之的」的Alan接受電話訪問，問到他被指話「唔玩」，他否認：「我冇咁講過，我只係想停一停先。」但承認有聽過「拆夥」傳聞，自感有屈難伸：「我係主音，外界有乜傳聞，矛頭梗係指向我，除咗我自己有嘢做，其他成員都自己有嘢做啦，點解係話我。」他直認在「還歌債」創作歌曲時壓力大，皆因一口氣要創作10多首歌並非易事，跟其他成員在意見上亦有分歧：「有拗撬，但冇鬧交。」問到跟其他成員有何問題？Alan略帶激動說：「我就好似嫁咗畀四個男人咁，佢哋真係好難頂o架！。」
另一成員Dash在多番追問下，雖然否認Alan話「我唔玩」，但他說：「佢唔係講呢三個字，佢係講『我好攰』。（你哋有乜反應？）大家都好唔開心，但冇鬧交，只係話不如大家冷靜吓先。」至於外界指Alan是「10億駙馬」沒經濟壓力，Dash說：「我哋從來冇諗佢呢個『包袱』，Alan都有自己嘅壓力，我哋就有生活上嘅壓力，我唔可以代表佢講乜，我相信佢可以消化到。」問到Alan自喻嫁給「四個好難頂男人」，他認同說：「佢形容得幾啱，我諗佢講呢句說話時，鑽緊牛角尖啫，我明白佢做主音，會有唱到好攰嘅時候。」
「中咗毒要時間排毒」
至於連Band房都「執埋」，Dash直認跟錢有關：「想減低成本，如果有嘢傾，我哋可以去Tom間學校傾，冇咗Band房對我哋唔係咁大影響，我返去Band房執嘢時都好傷感。」問他有否解決分歧辦法？他認為時間就是靈藥，並說：「畀啲時間大家，中咗毒都要時間排毒啦，我哋又唔係十冤九仇。」
文：音樂組