欣宜傻大姐畏高照爬5層樓
藝人鄭欣宜、何佩瑜（Jeana）和何佩珉在新片《辣警霸王花》中，向90年代「霸王花」系列電影致敬，監製黃永峰在有線娛樂節目《電影蒙太奇》中，指欣宜角色以吳君如作藍本，他說：「選角最難，揀欣宜演吳君如傻大姐角色，結果佢將重情重義一面表現晒，雖然佢畏高都照爬四、五層樓，表現專業令人佩服！」
欣宜昨日到電台宣傳下周處女個唱，她說：「緊張到嘔，雖然辛苦但Enjoy。（張學友、鄭少秋做個唱嘉賓？）唔講係邊個，總之係我好喜歡同尊重嘅，大家會有反應！」她又笑言「開騷三條」：「就係台上要有好多風扇、有足夠時間準備同唔好話我知票房點，唔想影響心情！」
叫男友送車
至於Jeana昨日則與何佩珉、導演錢國偉及監製黃永峰到調景嶺出席講座，Jeana說：「講座主題『一套電影的誕生』，我特登着得書卷味啲。（問咗男友攞貼士？）佢聽到我去講座，話：『你呀？』佢話認真分享就OK，唔使緊張。」提到近日終考獲車牌，她說：「唔係衰泊位，就係被其他車累，前後用咗3年考咗4次至pass，買架二手車先。（男友送車獎勵你？）當然，叫咗佢畀心機寫劇本，第時買架dream car！」
文：影視組