吳業坤搭小巴唔戴安全帶
吳業坤昨日透過社交網上載一張小巴車廂自拍照，結果被網民發現他在座位上竟然沒有佩戴安全帶！另外，對於跟龔嘉欣和王卓淇先後傳出緋聞，他直言希望不要有更多受害者出現，自己會疏遠大家，清洗罪孽。
歌手吳業坤雖然是有車之人，但亦不時選擇乘搭公共交通工具，被網民大讚「夠貼地」。昨日，他上載了一張在小巴上的相片，見他用背包遮着半邊臉，並留言：「好彩有人同一個站落車，唔使我嗌。細個成日都驚。」誰知照片曝光後，有眼利網民指吳業坤坐在座位上卻未有佩戴安全帶。
記者聯絡上吳業坤，他解釋當時正為電台進行拍攝工作：「當時架車係靜止冇郁嘅，大家留意相中窗外環境都應該睇得出。拍攝行車場面時我有佩戴（口架）！我又冇留意網民啲留言，大家誤會啫！我平時搭的士、小巴一上車就佩戴安全帶，自己開車更加會啦，我係安全駕駛者。」
戒緋聞？梗係食乸啦！
另外，昨日吳業坤為新歌《第一次告別》到電台宣傳，對於近日緋聞纏身牽涉到藝人龔嘉欣和王卓淇，他說：「希望唔好再有受害者，我要疏遠大家！（同王卓淇暗撻年半？）唔係。（仲有聯絡？）佢心情OK，依家唔會再將同同輩或11歲以上嘅人合照放上網，以免畀人大造新聞。（姐姐可以？）如果同姐姐會覺得唔合理，太多罪孽喇！要清洗吓！（戒掉溝女癮？）戒掉緋聞先啱。（溝過王卓淇？）冇，總之希望緋聞告一段落！（搞地下情？）唔係。」他表示雖然公司沒有「照肺」，但經理人有致電查問，又指希望靠時間挽回好形象，笑言現在形象已經跌到谷底，並澄清與龔嘉欣一直都是朋友關係。對於被指「食完唔抹嘴」，他說：「吓，食大閘蟹？我尋日食咗。（食公定乸？）梗係乸啦！」
採：音樂組
文：專案組