方中信潑冷水：佢生積就得！

方中信現時忙於在內地拍劇，透露下月中便完成，之後繼續做住家男人，聖誕節帶愛女及太太旅行。對於囡囡不經不覺已八歲，問到會否趁機追多個？他說：「畀佢哋追啦！（意外？）大吉利是。（老婆想生？）佢生積就得！咁嘅年紀，個女又冇話要有妹妹或細佬。」

拍劇前諮詢律師

於現時播映的無綫劇集《律政強人》中，方中信處男下海演事務律師角色，要求高的他不諱言收劇本時覺得有少許問題：「講到律師職業好似爾虞我詐咁，都驚出街後畀做律師朋友覺得唔太真實！」開拍前，他諮詢了律師朋友，連劇本也給他們過目。他指劇集出街後，有律師朋友指他外形甚似，還要找他打官司，相當爆笑！

方中信Chok爆型男甫士！	講起演律師角色，方中信滔滔不絕！	莫可欣帶囡囡去街街。

莫可欣平民店掃貨

另一邊廂，有威猛老公方中信及可愛女兒愛錫的莫可欣，近年心廣體胖，難掩幸福肥！昨日下午，她撇甩老公，帶同八歲愛女迦晴相約友人往中環行街，期間在平民時裝店揀新裝，女兒乖巧地陪在身邊。及至莫可欣付款時，精靈的迦晴率先發現記者，搞笑地向着鏡頭扮鬼臉，其後莫可欣亦察覺記者，友善地揮手示意。

文：影視組

攝：鄭家俊

場地：九龍東皇冠假日酒店