葉童咀志雲攤凍慢慢嗒

藝人葉童和陳志雲昨日到新光戲院為舞台劇《莎士對比亞》進行綵排， 兩人即場上演羅密歐與茱麗葉的殉情戲，葉童更主動與陳志雲咀嘴！受訪時陳志雲透露正式演出時會更親熱，又笑言此劇適合宅男睇，因為可以學追女仔。問到葉童可有被陳志雲冧到？陳志雲笑言葉童百毒不侵，葉童就大讚：「其實佢個酒凹好可愛，認識佢耐啲就會感覺到佢嘅可愛，好似啲酒咁要慢慢嗒，佢畀你嘅感覺好舒服。」陳志雲即笑言：「我唔可以快嗒o架！」