學友加開3場歌迷又清貨

學友日前宣布演唱會加場，23場演出的門票全數售罄。

加場門票昨日10時開售，是次公開發售的門票接近九成。早上9時許，尖沙咀通利琴行外已有近百名市民排隊，更有市民帶同手抱嬰兒到場。排頭位的紅Tee男疑似帶領數個外籍人士購票，並向同伴派發手上的白信封，約11時許，成功購票的紅Tee男向記者表示已排隊十多天，籌集了40張最貴的980元門票，聲稱門票是自用：「好鍾意張學友，《李香蘭》、《餓狼傳說》，講得出嘅我都聽過！我諗住睇晒23場，但依家仲有一、兩場未買到飛。」另一位歌迷謝先生則因只剩下單人位而沒有購票，更嬲到爆粗：「排咗個半鐘都買唔到飛呀，X！（原本想買幾多張？）4張。」約中午12時，加開的三場門票已全數售罄。

放大圖片	售票站門外出現人龍。