內衣鬥「秀」場李成敏胸贏伊蓮娜

李成敏（左）與Bojana Krsmanovic大騷天賦本錢。

來自韓國的Clara谷胸穿上黑色性感內衣，配襯紅色套裝，成為全場焦點，撼贏穿上綴閃石透視長裙、透出黑色內衣的俄羅斯名模伊蓮娜，拍亞洲代表大合照時Clara傍實品牌高層企，地位備受肯定。

婷婷靠邊站

香港代表謝婷婷特意從羅馬拍戲期間抽空出席，與Zelia都透出黑bra，但始終隔住層紗，不太性感，難怪影相時靠邊站，認真失威。

自爆是品牌忠實支持者的Zelia表示是名模Joan Smalls的粉絲，更開心成功集郵。提到同場有不少國際超模，可怕被比下去？她說：「係好嘅學習榜樣，唔係鬥靚，同佢哋傾偈，欣賞佢哋堅持唔食嘢，我都有做事前準備，瞓好啲同狂用面膜。」更自爆故意與日模Sumire Matsubara撞內衣：「我事前知佢揀咗，但我好鍾意呢件，唔介意撞衫，大家唔同style，堅持自己鍾意。」

伊蓮娜穿上閃石透視長裙，分外耀眼。	Bojana Krsmanovic透視玉背及美腿。	謝婷婷透視裝晒「優質股」。
眾性感女模與品牌高層合照。