馬國明撐唐詩詠閃婚「唔係我幫個妹揀老公」
演員馬國明、韋家雄與胡鴻鈞近日在將軍澳為無綫新劇《降魔的》拍攝外景，講述馬國明人有三急衝入公廁解決，卻被韋家雄飾演的警探攔着他問長問短。馬國明笑謂不少場口要在公廁外拍攝，難免臭氣熏天，他說：「好彩唔使喺裏面拍，拍嘢冇得介意，最緊要出嚟效果好！」
講到與洪永城的「碰杯事件」，馬國明澄清：「唔明點解成日咁寫！我哋平時喺化妝間都有傾偈。話我醉咗，但第二朝0630開工，我根本冇飲酒。（唐詩詠話唔排除閃婚？）佢覺得揀啱，要結婚咪結婚，緣分到就OK！（點睇洪永城？）呢啲你哋要問唐詩詠，依家係佢揀老公，唔係我幫個妹揀老公，最緊要佢鍾意！」
