莊思敏Hea揸？被叫駛開

莊思敏與周柏豪賽車經驗較淺，莊思敏有妹妹思明及男友楊明到場支持，而柏豪的女友未見蹤影，但亦有師妹連詩雅現身打氣。賽前問莊思敏有否信心？她連說兩次：「安全為先！」拍完通宵劇的她坦言瞓得一個鐘，又自封「守護天使」：「我會喺佢哋後面守護，大家唔會有Lady First呢樣嘢。」又踢爆方中信叫她賽車時不要黐太埋，行得開就行，她笑說：「我尊重佢，如果見佢衝上嚟，我就挨埋一邊打死火燈。」果然在排位賽時她包尾，正式比賽時亦在明星排名中包尾而回，她笑着否認是Hea揸。